უკვე დიდი ხანია იწერება, რომ ქართველი მეკარე, გიორგი მამარდაშვილი მიმდინარე სეზონის ბოლოს “ვალენსიას” დატოვებს. “ღამურების” კარის დარაჯის შეძენით მეტწილად პრემიერ ლიგის გუნდები არიან დაინტერესებულნი, მაგალითად - “მანჩესტერ იუნაიტედი,” “ჩელსი,” “ტოტენჰემი,” “ლესტერი.” როგორც გავლენიანი საინფორმაციო წყაროები იტყობინებიან, ჩამოთვლილთაგან ყველაზე დიდი შანსი “წითელ ეშმაკებს” აქვთ.
Givemesport-ის ცნობით, მანჩესტერული გუნდის რადარზე სამი მეკარე ტრიალებს - გიორგი მამარდაშვილი, დიეგო კოშტა, დევიდ რაია. ამავე წყაროს ინფორმაციით, ერიკ ტენ ჰაგი არ აპირებს, რომ დავიდ დე ხეას პირველი მეკარის სტატუსი ჩამოართვას.