"ორივე მატჩით კმაყოფილი ვარ", - ტუხელის კომენტარი ჩემპიონთა ლიგიდან გამოვარდნის შემდეგ

20-04-2023, 12:00

Aa Aa

გაზიარება:

ჩემპიონთა ლიგის 1/4 ფინალურ ეტაპზე მიუნხენის ბაიერნმა მანჩესტერ სიტი ვერც განმეორებით შეხვედრაში, საკუთარ მოედანზე დაამარცხა და ორი მატჩის ჯამში (1:4) ვერ მოგებული შეხვედრების გამო ჩემპიონთა ლიგას გამოეთიშა.

მატჩის დასრულების შემდეგ, რეკორდმაისტერის მთავარმა მწვრთნელმა ტომას ტუხელმა განაცხადა, რომ სიტისთან გამართული ორივე შეხვედრით კმაყოფილია.

"სიტისთან გამართული ორივე მატჩით კმაყოფილი ვარ, ძალიან მაღალი დონის მატჩები იყო. ევროპის საუკეთესო და ყველაზე მაგარ ფორმაში მყოფ გუნდს ფეხდაფეხ მივყვებოდით, მაგრამ ისევე როგორც გასულ კვირას, არც ამ მატჩში გვქონია ის იღბლის მომენტი, რომელიც საჭიროა, რომ მსგავსი შეხვედრები შემოაბრუნო.

ძალიან კმაყოფილი ვარ ჩემი ბიჭების თამაშით - სამომავლო წარმატებას თავდაუზოგავი შრომა და განვითარება მოგვიტანს", - განაცხადა ტუხელმა.