"ლაპორტამ ბაიერნს მადლობა გადაუხადა", - კლუბებს შორის ურთიერთობა საბოლოოდ დალაგდა?

2-10-2022, 19:33

Aa Aa

გაზიარება:

მოგეხსენებათ, მიუნხენის ბაიერნის და ბარსელონას ხელმძღვანელობას შორის გარკვეული დაძაბულობა იყო.

ყოველივე ეს შემდეგი მიზეზებით იყო განპირობებული: ლევანდოვსკის სატრანსფერო საგა, სუპერლიგის ამბები, ბაიერნის მცდელობა პედრის გადმობირებისა (ბარსელონას გვერდის ავლით), ნაგელსმანის განცხადებები ბარსელონას სატრანსფერო პოლიტიკაზე და სხვა.

თუმცა, როგორც SPORT1 იტყობინება, კლუბებს შორის ურთიერთობა დალაგდა - წყაროს მტკიცებით, ესპანური გუნდის პრეზიდენტმა, ჟოან ლაპორტამ ბაიერნის ხელმძღვანელობას ლევანდოვსკის ტრანსფერის დროს გაწეული თანამშრომლობისთვის მადლობა გადაუხდა.

ორივე გუნდის ხელმძღვანელობას ახლა ერთმანეთთან კარგი ურთიერთობა აქვთ და იმედოვნებენ, რომ სამომავლოდაც ასე გაგრძელდება.