ამერიკული საკალათბურთო ასოციაციის რეგულარული სეზონის მორიგ მატჩში “სან ანტონიომ” შინ “იუტა ჯაზი” მიიღო და მორიგი მარცხი იწვნია. გრეგ პოპოვიჩის შეგირდები ანგარიშით 117:128 დამარცხდნენ.
საქართველოს ეროვნული ნაკრების კალათბურთელმა, სანდრო მამუკელაშვილმა 28:42 წუთის განმავლობაში ითამაშა. მიუხედავად “სპურსის” მარცხისა, სანდრომ ერთ-ერთი საუკეთესო შეხვედრა ჩაატარა. მის ანგარიშზე 17 ქულა, 5 შედეგიანი გადაცემა და 8 მოხსნა იყო.