დღეს, UEFA ყველა თავისი ტურნირის 1/4 ფინალების წილისყრას ატარებს, გულშემატკივრები კი საყვარელი გუნდების მეტოქეებს ეცნობიან.
რამდენიმე საათის წინ დასრულდა ჩემპიონთა ლიგისა და ევროპის ლიგის წილისყრები, ახლა კი ჯერი კონფერენს ლიგაზეა.
აღსანიშნავია, რომ კონფერენს ლიგის 1/4 ფინალში მონაწილეობას ქართველების (გიორგი წიტაიშვილი და ნიკა კვეკვესკირი) ლეხიც მიიღებს, რომელიც, როგორც გაირკვა ფიორენტინას დაუპირისპირდება.
ცნობისთვის, ლეხი პირველ შეხვედრას სახლში გამართავს. იმ შემთხვევაში თუ პოლონური კლუბი 1/2 ფინალში გააღწევს, ისინი ბაზელსა და ნიცას შორის გამარჯვებულს შეხვდებიან.