მას შემდეგ რაც ხვიჩა კვარაცხელია “ნაპოლის” შეუერთდა და საოცარი ფეხბურთი შემოგვთავაზა, იტალიელების მხრიდან ქართველებისადმი ინტერესი ასმაგად გაიზარდა. “ ქართველ ტალანტებზე ნადირობაა: ბოლონია მექვაბიშვილის პროფილს სწავლობ” - სწორედ ამ სათაურით გამოაქვეყნა ერთ-ერთმა ცნობილმა იტალიურმა წყარომ, Tuttomercatoweb-მა სტატია.
ფაქტს, რომ კვარაცხელიას შემთხვევამ იტალიურ კლუბებში ბუმი გამოიწვია, ზემოთაღნიშნული ვებსაიტიც აღნიშნავს. ახლა უფრო დიდი ყურადღება ექცევათ საქართველოში მოთამაშეებს.
ცოტა ხნის წინ Sassulonews-მა გიორგი მოისწრაფიშვილი და ანრი მექვაბიშვილი “სასუოლოს” დაუკავშირა, თუმცაღა “როსობლუს” შემთხვევა განსხვავებულია - როგორც Tuttomercatoweb-ი გვამცნობს, მექვაბიშვილი კარგი სათამაშო ხარისხის გარდა, პიროვნული მახასიათებლებითაც არის დაჯილდოებული, ამავე დროს თბილისის “დინამოს” მნიშვნელოვანი ფეხბურთელიცაა.