სპეციასთან გამართული მატჩის შემდეგ, ფეხბურთის გულშემატკივრებმა კიდევ ერთხელ დაინახეს, თუ რამდენად მნიშვნელოვანები არიან გუნდისთვის ვიქტორ ოსიმენი და ხვიჩა კვარაცხელია, რომელმაც წინა შეხვედრაში ეს ყოველივე კიდევ ერთხელ დაამტკიცეს.
პარტენოპეიმ სპეიციასთან შეხვედრა 0:3 მოიგო, თუმცა გამოსარჩევია მესამე გოლის მომენტი, როდესაც მეკარესთან ერთ-ერთზე მყოფმა ხვიჩამ პასი თანაგუნდელს გაუკეთა და ცარიელ კარში გაატანინა. ამის გამო ხვიჩა-ოსიმენის დუეტის რეიტინგი საფეხბურთო სამყაროში კიდევ უფრო გაიზარდა.
კვარა-ოსიმენის წყვილი ამ სეზონში გამორჩეულია
სპეციასთან ქართველი ფეხბურთელის მისასალმებელ ჟესტს ხაზი გაუსვა ჟურნალისტმა ენრიკო ვარიალემ, რომელმაც Twitter-ზე გამოაქვეყნა ფოტო, სადაც შეადარა ნეაპოლიტანური შემტევი დუეტი და იუვენტუსის ისტორიული წყვილი (ინძაგი-დელ პიერო) და განაცხადა:
"რამდენიმე წლის წინ ინძაგიმ ტრამვიდან დაბრუნებულ დელ პიეროს გოლი "მოპარა"
და ცარიელ კარში არ გაატანინა. კვარაცხელიას და ოსიმენის ამ ჟესტმა კი გამახსენა თუ რამდენად მნიშვნელოვანია გუნდურობა."შეგვიძლია ვთქვათ, რომ კვარა-ოსიმენის დუეტი ამ სეზონში სერია A-ში დომინანტია. ამაზე ორივე ფეხბურთელის სტატისტიკაც მეტყვეელებს.
ვიქტორ ოსიმენი 18 გოლით იტალიის ჩემპიონატის საუკეთესო ბომბარდირია, ხოლო ხვიჩა კვარაცხელია 9 საგოლე გადაცემით გათამაშების საუკეთესო ასისტენტია.
აქვე გეტყვით იმასაც, რომ ნაპოლი სერია A-ს 56 ქულით ლიდერობს. მეორე ადგილზე მყოფ ინტერს კი 13 ქულით უსწრებს.