"ორი დღე დავისვენებ და შემდეგ ამას ვაპირებ" - სანდრო ბაზაძემ მომავალ გეგმებზე ისაუბრა

27-05-2025, 20:07

Aa Aa

გაზიარება:

სანდრო ბაზაძემ ხმლით მოფარიკავეთა მსოფლიო თასზე ჩემპიონის ტიტული დაისაკუთრა.

ფინალურ შეხვედრაში მან თურქი მეტოქე ენვერ ილდირიმი, ანგარიშით 15:8, დაამარცხა.

ჯამში მან ტურნირზე 6 დაპირისპირება მოიგო, სადაც 257 საუკეთესო სპორტსმენი მონაწილეობდა მსოფლიოს სხვადასხვა ქვეყნიდან.

"ოლიმპიადის შემდეგ დიდი პაუზა მქონდა, თუმცა ახლა მსოფლიო თასზე გამარჯვებას ნამდვილად სხვა გემო და ფასი აქვს. გახარებული ვარ, რომ ხარისხიანად დავბრუნდი."

შემდეგი ნაბიჯია ევროპის ჩემპიონატი იტალიაში, ხოლო მთავარი მიზანი — ორი თვეში საქართველოში გასამართი მსოფლიო ჩემპიონატი!"

სანდროს წარმატება განსაკუთრებით მნიშვნელოვანია ოლიმპიური წელიწადის წინ და საქართველოში დაგეგმილი მსოფლიო ჩემპიონატის ფონზე. მისი გამარჯვება არა მხოლოდ პირადი, არამედ ქვეყნის სპორტული წარმატებაცაა.