შემოგვიერთდით

ზაფხულში კიტეიშვილი შესაძლოა პრემიერ ლიგაში გადაბარგდეს

26-05-2025, 14:00

Aa Aa

გაზიარება:

საქართველოს ეროვნული ნაკრების ერთ-ერთი ლიდერი, ოთარ კიტეიშვილი, ავსტრიაში გამორჩეული სეზონის შემდეგ ევროპული ფეხბურთის ყურადღების ცენტრში მოექცა. გრაცის „შტურმის“ ნახევარმცველმა არა მხოლოდ ავსტრიის ჩემპიონობა მოიპოვა, არამედ ზედიზედ მეორე წელია ქვეყნის საუკეთესო მოთამაშედაც დასახელდა.

29 წლის კიტეიშვილის წარმატებული ასპარეზობა ევროპის ტოპ ჩემპიონატებიდანაც შეამჩნიეს. ავსტრიული გამოცემა Krone იტყობინება, რომ ქართველის დამატებით ინგლისის პრემიერლიგის ახალბედა კლუბები – „ბარნლი“, „სანდერლენდი“ და „ლიდსი“ – ინტერესდებიან და უკვე დაწყებულია საუბარი მისი ტრანსფერის დეტალებზე.

კიტეიშვილმა მიმდინარე სეზონში „შტურმის“ მაისურით 32 მატჩი ჩაატარა, გაიტანა 12 გოლი და შეასრულა 5 საგოლე გადაცემა, რაც შესანიშნავი შედეგია ნახევარმცველისთვის. მისი მუდმივი სტაბილურობა, თამაშის ჭკვიანური წაკითხვა და ტექნიკური შესაძლებლობები ბევრი კლუბის ყურადღებას იზიდავს.