თავისუფალი ჭიდაობა | სარეიტინგო ტურნირზე 16 ქართველი იასპარეზებს

25-02-2025, 22:08

Aa Aa

გაზიარება:

26 თებერვლიდან ალბანეთის დედაქალაქ ტირანაში 2025 წლის სეზონის მეორე სარეიტინგო ტურნირი დაიწყება.

შეჯიბრზე პირველები თავისუფალი სტილით მოჭიდავეები იასპრეზებენ – ჩემპიონები და პრიზიორები 26 და 27 თებერვალს ათ წონით კატეგორიაში გამოვლინდებიან.

საქართველოს თავისუფალი სტილით მოჭიდავეთა ნაკრები ტირანაში შემდეგი შემადგენლობით გამოვა:

რობერტ დინგაშვილი (57 კგ), გიორგი ღონიაშვილი, დავით აბდალაძე (ორივე – 61 კგ), გოდერძი ძებისაშვილი (65 კგ), აკაკი ქემერტელიძე (70 კგ), გიორგი ელბაქიძე, ოთარ ბაგაური (ორივე – 74 კგ), ვლადიმერ გამყრელიძე, თორნიკე თულაშვილი (ორივე – 79 კგ), ტარიელ გაფრინდაშვილი, თამაზ ნიკოლეიშვილი (ორივე – 86 კგ), მირიან მაისურაძე, თეიმურაზ ქოჩქიანი (ორივე – 92 კგ), დათო ფირუზაშვილი (97 კგ), სოლომონ მანაშვილი, გივი მაჭარაშვილი (ორივე – 125 კგ).