მიქაუტაძის ტრანსფერით პრემიერ ლიგის 3 გუნდი დაინტერესდა

2-12-2024, 21:29

Aa Aa

გაზიარება:

მოგეხსენებათ, ლიონს რამდენიმე კვირის წინ მძიმე ფინანსური სანქციები დაეკისრა და თუ კლუბი უახლოეს მომავალში ყველა ფინანსური პრობლემის მოგვარებას ვერ მოახერხებს, მე-2 ლიგაში დაქვეითება ემუქრება.

სწორედ ამიტომ, ლიონს წამყვანი მოთამაშეების გაყიდვა აუცილებლად მოუწევს და ევროპის ტოპ ჩემპიონატებიდან კლუბებმა უკვე დაიწყეს ნადირობა ფრანგული კლუბის ფეხბურთელებზე.

აქამდე იწერებოდა, რომ გიორგი მიქაუტაძის დამატებით იუვენტუსი იყო დაინტერესებული, ახლა კი ამ სიას პრემიერ ლიგის კიდევ 3 კლუბი დაემატა.

ქართველი შემტევის გადაბირებას ასტონ ვილა, ფულემი და ვესთ ჰემი შეეცდება - ინფორმაციას ამის თაობაზე Fichajes ავრცელებს და მისივე მტკიცებით, ყველაზე აქტიურად სიტუაციას ვესთ ჰემი აკვირდება.