"ყველას ვეთანხმები" - კალაძე ფეხბურთელების გაკეთებულ კომენტარებზე

1-12-2024, 23:10

Aa Aa

გაზიარება:

საქართველოს ეროვნული ნაკრების ყოფილმა ფეხბურთელმა და დედაქალაქის მერმა, კახა კალაძემ ქართველი ფეხბურთელების გაკეთებულ კომენტარებს კომენტარი თავადაც დაურთო.

აბსოლუტურად ვეთანხმები ყველას ამ სულისკვეთებაში. რა თქმა უნდა, საქართველოს მომავალი არის ევროპული მომავალი, საქართველოს ხელისუფლება არის ზუსტად ის, ვინც ყველაფერს აკეთებს ევროინტეგრაციის გზაზე.

თუკი რაიმე წარმატებას მივაღწიეთ ამ მიმართულებით, ეს ყველაფერი მოხდა ქართული ოცნების ხელისუფლების პირობებში. დარწმუნებული ვარ, ჩვენ ბოლომდე მივიყვანთ ამ პროცესს და ამ გზას გავივლით ღირსეულად, თუმცა, რა თქმა უნდა, არის დაბრკოლებებიც, რომელიც ხელოვნურად იქმნება, როგორც კანდიდატის სტატუსის შემთხვევაში იყო.

- თქვა კალაძემ.