"თამაშების მოგებას ისევ შევძლებთ" - ვილი სანიოლი ალბანეთთან მატჩამდე

13-10-2024, 16:18

Aa Aa

გაზიარება:

საქართველოს ეროვნული ნაკრები ხვალინდელ დღეს ალბანეთს 20:00 საათზე უმასპინძლებს და ხასიათის გამოსწორებას შეეცდება.

იქამდე გთავაზობთ ვილი სანიოლის პრესკონფერენციას:

უკრაინასთან კარგად არ გვითამაშია, რაც ფეხბურთელებთან უკვე განვიხილეთ. ვიმედოვნებ, რომ ყველაფერი შეიცვლება.

ოთარ კიტეიშვილი? - საბედნიეროდ, ის მზადაა და ალბანეთთან თამაშში ჩვენს დახმარებას თავიდან ბოლომდე შეძლებს.

ვინ შეცვლის ქოჩორაშვილს? - გადაწყვეტილება უკვე მიღებულია, მაგრამ ამას ხვალ გაიგებთ. მნიშვნელოვანია, რომ მოედანზე აგრესიით გავიდეთ და 90-ვე წუთი ასე ვითამაშოთ.

აღდგენა კარგი გვქონდა, რაშიც ფედერაციამ ხელი ბოლომდე შეგვიწყო. ჩვენ ისევ ძველი გუნდი ვართ და თამაშების მოგებას ისევ შევძლებთ!

- თქვა ვილიმ.