შემოგვიერთდით

მამუკელაშვილის სან ანტონიომ ბითაძის ორლანდოს სძლია

10-10-2024, 15:09

Aa Aa

გაზიარება:

ამერიკის პროფესიულ საკალათბურთო ასოციაციაში ქართულიდერბი შედგა. საგამოფენო მატჩში ერთმანეთს გოგა ბითაძის ორლანდო მეჯიქი და სანდრო მამუკელაშვილის სან ანტონიო შეხვდნენ.გამარჯვება მამუს „სან ანტონიოს“ დარჩა – 107:97.

მასპინძელთა შემადგენლობაში პირველი მატჩი ჩაატარეს ერთმანეთის გვერდით ვიქტორ ვემბანიამამ და გამოცდილმა კრის პოლმა. პირველმა 11 ქულა და 9 მოხსნა მოაგროვა, მეორემ მატჩი 5 ქულითა და 3 პასით დაასრულა.

მათმა ქართველმა თანაგუნდელმა სანდრო მამუკელაშვილმა 17 წუთში 6-დან 3 სამქულიანი ჩააგდო და მატჩი 9 ქულით, 4 მოხსნითა და თითო ჩაჭრა-პასით დაასრულა.

ვემბანიამას წინააღმდეგ შედეგიანად ითამაშა გოგა ბითაძემ. მან შეხვედრა სასტარტო ხუთეულში დაიწყო, 22 წუთში 8 ქულა, 11 მოხსნა და 3 დაფარება ჩაიწერა.

„ორლანდო მეჯიქის“ მომდევნო მატჩი „ნიუ ორლეანს პელიკანსთან“, ქარიშხლის გამო გაუქმდა. „სან ანტონიო“ კი 13 ოქტომბერს „იუტას“ უასპინძლებს.