მსოფლიოს 2022 წლის ჩემპიონატამდე, რომელიც ყატარში გაიმართება სულ რაღაც 4 დღე დარჩა. რასაკვირველია, ყველა გულშემატკივარს ჰყავს თავის საყვარელი გუნდი, რომელსაც მუდმივად უგულშემატკივრებს, თუმცა საინტერესოა თუ ვის თვლის მუნდიალის მოგების 3 მთავარ ფავორიტად ლიონელ მესი:
"სამი ნაკრები, რომლებიც დანარჩენებზე მაღლა დგანან? - ბრაზილია, საფრანგეთი და ინგლისი. ვფიქრობ, ამ მომენტისთვის ეს სამი ნაკრები გამორჩეულია, თუმცა ყველაფერი შეიძლება მოხდეს." - თქვა არგენტინელმა ფეხბურთელმა.
შეგახსენებთ, რომ მსოფლიოს ჩემპიონატის პირველი შეხვედრა 20 ნოემბრის 20:00 საათზე მასპინძელ ყატარსა და ეკვადორს შორის გაიმართება.