ცნობილმა იტალიურმა გამოცემამ La Gazzetta dello Sport-მა იმ 11 ფეხბურთელისგან შემდგარი სიმბოლური გუნდი დაასახელა, რომლებიც 2022 წლის მსოფლიო ჩემპიონატს გამოტოვებენ.
აღსანიშნავია, რომ შემადგენლობაში მოხვდა ქართველი ფეხბურთელი ხვიჩა კვარაცხელიაც, რომელიც 'ნაპოლის' რიგებში დამაჯერებლად გამოიყურება.
"მართალია, მუნდიალზე ბევრი შესანიშნავი ფეხბურთელი იასპარეზებს, მაგრამ ბევრიც სახლში დარჩება და მსოფლიო ჩემპიონატს თვალყურს ტელევიზორში მიადევნებს. შევადგინეთ გუნდი, რომელსაც მუნდიალზე გამარჯვების დიდი შანსი ექნებოდა" - წერს გამოცემა.
მეკარე - ჯანლუიჯი დონარუმა (იტალია); მცველები: ენდრიუ რობერტსონი (შოტლანდია), დავიდ ალაბა (ავსტრია,), მილან შკრინიარი (სლოვაკეთი), ხუან კუადრადო (კოლუმბია) ; ნახევარმცველები: ნიკოლო ბარელა (იტალია), მარკო ვერატი (იტალია), ხვიჩა კვარაცხელია (საქართველო). შემტევები: მოჰამედ სალაჰი (ეგვიპტე, ), ერლინ ჰოლანი (ნორვეგია), ვიქტორ ოსიმენი (ნიგერია).
შეგახსნებთ იმასაც, რომ მსოფლიო ჩემპიონატი 20 ნოემბერს ყატარისა და ეკვადორის შეხვედრით გაიხსნება.