საქართველოს ეროვნულმა ნაკრებმა შემოდგომის ციკლი ბრწყინვალედ დაიწყო და საკმაოდ ძლიერი ჩეხეთი საშინაო კედლებში დიდი სხვაობით, 4:1 დაამარცხა.
ცხადია, კვლავ შესანიშნავად ითამაშა ხვიჩა კვარაცხელიამ, რომელმაც 1 პენალტი გამოიმუშავა, 1 გოლი გაიტანა და 1 საგოლე გადაცემაც მიითვალა.
ეროვნული გუნდისა და ნაპოლის ლიდერმა მატჩის შემდეგ ასეთი კომენტარი გააკეთა:
გუნდის თამაშს დადებითად შევაფასებ. ჩემი აზრით, დღეს რა ფეხბურთიც ვაჩვენეთ, წარმოუდგენელი იყო. ვეცადეთ, რომ ლამაზი ფეხბურთი გვეჩვენებინა და ალბათ, გამოგვივიდა კიდეც.
ჩეხეთი ევროპის ერთ-ერთი საუკეთესო ნაკრებია, მაგრამ დღეს ჩვენი დღე იყო. შედეგი გამოიღო იმან, რომ დამაგვირგვინებელ ფაზაში ძლიერები ვიყავით და ფეხბურთიც სწორედ ესაა.
პირველი გოლი ჩემს ბავშვს და ლაშა ბექაურს მივუძღვენი.
- თქვა ხვიჩა კვარაცხელიამ.
შეგახსენებთ, რომ საქართველოს ნაკრებს მომავალი შეხვედრა 10 სექტემბერს ტირანაში ელის, მეტოქე კი ალბანეთი იქნება.