შემოგვიერთდით

"ეუბნებიან, რომ მეტის აწევა საჭირო აღარაა" - რა განაცხადა რუსმა ძალოსანმა ლაშა ტალახაძეზე

19-08-2024, 17:30

Aa Aa

გაზიარება:

რუსმა ძალოსანმა, ალეკსეი ლოვჩევმა რამდენიმე წლის წინ, GoB Channel-თან ინტერვიუში ქართველი ძალოსნის, ლაშა ტალახაძის შესახებ ისაუბრა.

"ლაშას კოსმიური შედეგები აქვს. ის დიდ წონებს მარტივად წევს და უფრო მეტიც შეუძლია. უბრალოდ, მას ეუბნებიან, რომ მეტის აწევა საჭირო აღარაა. ჯერჯერობით, აჩერებენ.

მასთან ურთიერთობა არ მაქვს. ბევრ ძალოსანთან მაქვს ურთიერთობა, მაგრამ მასთან არა. მე გახსნილი ვარ და ეს იმით არ არის გამოწვეული, რომ მისდამი ცუდი დამოკიდებულება მაქვს. არ მგონია, რადგან ლაშა ჩემი მეტოქეა, მის მიმართ ცუდად განწყობილი უნდა ვიყო, თუმცა ქართული მხარისგან მსგავსი რამ ჩანს", - თქვა რუსმა ძალოსანმა.

ცნობისთვის, ლოვჩევი 2015 წელს, ჰიუსტონში ჩატარებულ მსოფლიო ჩემპიონატზე ოქროს მედალს დაეუფლა, თუმცა ორგანიზმში დოპინგის კვალი აღმოაჩნდა, რის გამოც ოქროს მედლები ჩამოერთვა და ოთხწლიანი დისკვალიფიკაციით დაისაჯა.