როგორც ჟურნალისტი დავიდ დობრაში ამბობს, ნიკა კვეკვესკირი პოლონურ ლეხთან ხელშეკრულების გაწყვეტასთან საკმაოდ ახლოსაა.
მისი ინფორმაციით, მხარეებს შორის მოლაპარაკებები უკვე მიმდინარეობს და დიდია შანსი იმისა, რომ ნიკამ ამჟამინდელი კლუბი ვადაზე ადრე დატოვოს.
საქმე ისაა, რომ კვეკვესკირს ახალ პროექტში ფუნდამენტურ ფეხბურთელად ამავე კლუბის ახალი დამრიგებელი არ მოიაზრებს, რის გამოც მხარეებს ერთმანეთთან განცალკევება სურთ.
ნიკას ლეხთან ხელშეკრულება 2025 წლის 30 ივნისამდე აკავშირებს. ის პოლონურ კლუბში 2021 წლიდან თამაშობს.