სულ რამდენიმე წუთის წინ დაწერა ფაბრიციო რომანომ, რომ გიორგი მიქაუტაძე ფრანგულ მონაკოს კონტრაქტზე სიტყვიერად შეუთანხმდა!
რომანო მსოფლიოს ყველაზე ცნობილი და გავლენიანი სპორტული ჟურნალისტია, რომელიც 100%-იანი სანდოობით არის გამორჩეული.
როგორც ჩანს, საქართველოს ნაკრების თავდამსხმელი ლიგა 1-ში დარჩება და მომდევნო სეზონიდან მონაკოსთან ერთად ჩემპიონთა ლიგაზე იასპარეზებს!
23 წლის ფორვარდი ევრო 2024-ზე საოცრად გამოიყურება. გიორგის სამ ტურში სამი გოლი აქვს გატანილი და ერთი საგოლე პასი გაკეთებული, რის ხარჯზეც ის ჯგუფური ეტაპის სიმბოლურ ნაკრებში მოხვდა, ტურნირის ბომბარდირთა დავას კი ერთპიროვნულად ლიდერობს!
ცნობისთვის, Transfermarkt-ზე მითითებული ინფორმაციით, გიორგი მიქაუტაძის სატრანსფერო ღირებულება 15 მილიონი ევროა.