Transfermarket-მა საქართველოს ნაკრების ნახევარმცველის, ოთარ კიტეიშვილის სატრანსფერო ღირებულება განაახლა.
28 წლის ფეხბურთელის ფასი 3 მილიონი ევრო გახლდათ, თუმცა მისი სატრანსფერო ფასი 2 მილიონით გაიზარდა და ახლა 5 მილიონს შეადგენს.
ფასის ასეთი ცვლილება იმ შედეგების დამსახურებაა, რომელსაც ოთარმა ამ სეზონში მიაღწია - ავსტრიის ბუნდესლიგა, ავსტრიის თასი, ევროპის ჩემპიონატი, ავსტრიის ბუნდესლიგის წლის საუკეთესო ფეხბურთელი.
შეგახსენებთ, რომ კიტეიშვილს შტურმთან კონტრაქტი 2024 წლის ივნისამდე აკავშირებს.