ავტორიტეტული გამოცემის, The Sun-ის ინფორმაციით, არსებობს შანსი, რომ უახლოეს მომავალში ვილი სანიოლმა საქართველო დატოვოს და ირლანდიის ეროვნულ ნაკრებში მთავარ მწვრთნელად დაინიშნოს.
ირლანდიამ რამდენიმე დღის წინ სპეციალისტის პოსტზე ჯონ ო'ში შეარჩია, თუმცა როგორც ვარაუდობენ, მანჩესტერის ყოფილი ფეხბურთელი თანამდებობას მალე დატოვებს, მიზეზი კი მისი გამოუცდელობაა.
გავრცელებული ინფორმაციის თანახმად, ირლანდიის ფეხბურთის ფედერაცია სანიოლს უკვე დაუკავშირდა და პირველადი კონტაქტი შედგა.
როგორც იწერება, ირლანდიელთა სურვილია, რომ მათი ნაკრების მთავარი მწვრთნელის პოსტზე სანიოლი აპრილამდე დაინიშნოს.