უკვე გადაწყვეტილია, რომ ვიქტორ ოსიმენი ახალი სეზონიდან ნაპოლის ფეხბურთელი აღარ იქნება და მისით არაერთი გუნდი ინტერესდება.
როგორც Calciomercato წერს, დე ლაურენტისს მისი შემცვლელის ძიება უკვე დაწყებული აქვს და სიაში რამდენიმე მოთამაშეა.
ამავე წყაროს ინფორმაციის მიხედვით, ნაპოლის პრეზიდენტისთვის ერთ-ერთი მთავარი კანდიდატი ბოლონიას ფორვარდი ჯოშუა ზირკზეა.
აღსანიშნავია, რომ დე ლაურენტისი ახალი ფორვარდისთვის ბევრის გამოყოფას არ აპირებს. მისი მიზანი ისაა, რომ ახალი სტრაიკერი გუნდმა 40-50 მილიონ ევროდ დაიმატოს.