იტალიის საკალათბურთო ჩემპიონატის მე-19 ტურში ,,ვირტუს ბოლონიამ'' ,,ტრევიზო'' სტუმრად 39-ქულიანი სხვაობით, ანგარიშით 100:61 დაამარცხა.
ბოლონიური გუნდის ძირითად ხუთეულში ითამაშა თორნიკე შენგელიამ, რომელმაც 18 წუთში 11 ქულა, 3 შედეგიანი გადაცემა და 2 მოხსნა მოაგროვა.
თოკომ 5-დან 4 ორქულიანი და 3-დან 3 საჯარიმო ჩააგდო.
19 ტურის შემდეგ, "ვირტუსი" 14 მოგებითა და 5 მარცხით სატურნირო ცხრილში მეორე პოზიციას იკავებს.
შენგელიას გუნდი მომავალ შეხვედრას 9 თებერვალს გამართავს და ევროლიგაში "მონაკოს" დაუპირისპირდება.