გუშინ ნაპოლიმ ვერონას უმასპინძლა და მეტოქე 2:1 დაამარცხა, გამარჯვების გოლი კი ხვიჩა კვარაცხელიამ გაიტანა.
აი, როგორ აფასებს იტალიური მედია ქართველი ლეგიონერის თამაშს:
Tuttomercatoweb - "მისი ტალღოვანი დარტყმა უმაღლესი ხარისხის იყო. როდესაც ხვიჩა კვარაცხელიას აანთებ, მას შეუძლია, რომ ცეცხლი მთელ გუნდსა და გულშემატკივრებს გადასდოს."
Calciomercato - "მთელი თამაში აქტიურობდა, გუნდს მხრებით ატარებდა, რაც მატჩის ბოლო წუთებზე შესანიშნავი გოლის გატანით დაუფასდა."
Tuttonapoli - "კვარაცხელიამ ვერონას თამაში თავისი გიჟური მოქმედებებით მოუგო, ზუსტად ისე, როგორც სეზონის საუკეთესო ფეხბურთელს შეეფერება."
ცნობისთვის, ხვიჩა კვარაცხელიას სერია A-ს ამ სეზონში ნაპოლის მაისურით უკვე 6 გოლი და 3 საგოლე პასი დაუგროვდა.