თორნიკე შენგელია 20-დღიანი ტრავმის შემდეგ პარკეტს დაუბრუნდა და მისმა ვირტუსმა ევროლიგაზე სერბული პარტიზანი დაამარცხა.
აღნიშნული შეხვედრა საკმაოდ დაძაბულად წარიმართა, თუმცა საბოლოო უპირატესობა იტალიელებმა მოიპოვეს და მეტოქეს 4 ქულით, 88:84 აჯობეს.
რაც შეეხება ეროვნული გუნდის კაპიტანს, მან პარკეტზე 22 წუთი გაატარა, რა დროშიც მან 8 ქულა, 4 მოხსნა და 1 შედეგიანი გადაცემა მიითვალა.
ცნობისთვის, ვირტუს ბოლონიას ევროლიგაზე 16 მოგება და 9 წაგება აქვს, სატურნირო ცხრილში კი მესამე პოზიციაზეა და მხოლოდ ბარსელონასა და რეალს ჩამორჩება.