ბოლოდროინდელი საშინელი შედეგების გამო, ნაპოლის პრეზიდენტი საკმაოდ მკაცრ ზომებს იღებს.
როგორც დაიწერა, აურელიო დე ლაურენტისმა ტორინოსთან განადგურების შემდეგ ნაპოლის ფეხბურთელები შეკრებაზე დატოვა და ისინი მომდევნო მატჩამდე ერთ სასტუმროში იცხოვრებენ.
ნაპოლის მესვეურს მიაჩნია, რომ ახლა კლუბს ერთიანობა ისე სჭირდება, როგორც არასდროს, რის გამოც ერთად ცხოვრება კარგი გამოსავალი იქნებოდა.
ცნობისთვის, ნაპოლი თავის მომდევნო თამაშს სერია A-ში 13 იანვარს გამართავს, მეტოქე კი სალერნიტანა იქნება.