ეროვნული ლიგის ბოლო 36-ე ტურში ქობულეთის "შუქურასა" და "გაგრას" შეხვედრაში პირველივე ტაიმში დაფიქსირდა პოკერი. პოკერის ავტორი გაგრას შემტევი ზურაბ მუსელიანია. აქედან სამი საგოლე პასი საქართველოს 21 წლამდელთა მცველმა გაუკეთა.
ახალგაზრდა შემტევს ეროვნულ ლიგაში 15 გოლი დაუგროვდა 4 საგოლე გადაცემასთან ერთად.
შეგახსენებთ, რომ ეროვნულ ლიგაში ბოლო ტური მიმდინარეობს და უმაღლეს ჩემპიონატში დასარჩენად იბრძვის "გაგრა" და "თელავი". თუმცა "გაგრა" საკუთარ თავზე არ არის დამოკიდებული. თუ "თელავმა" თავისი შეხვედრა მოიგო ის დარჩება კრისტალბეთ ეროვნულ ლიგაში.