შემოგვიერთდით

რეკორდული შედეგი : "სარბიელმა" 2022/23 წლების სეზონის საუკეთესო ქართველი ფეხბურთელი დაასახელა

27-11-2023, 15:23

Aa Aa

გაზიარება:

ხვიჩა კვარაცხელია საქართველოს 2022-2023 წლების სეზონის საუკეთესო ფეხბურთელია – საქართველოს ნაკრებისა და ნაპოლის თავდამსხმელი გაზეთ „სარბიელის“ ტრადიციული გამოკითხვის გამარჯვებული გახდა.

გამოკითხვაში მონაწილეობა 86-მა სპორტულმა ჟურნალისტმა მიიღო, მათგან 85-მა საუკეთესოდ კვარაცხელია დაასახელა, რაც სარბიელის გამოკითხვის ისტორიაში რეკორდული შედეგია. მეორე ადგილზე აიაქსის თავდამსხმელი, გიორგი მიქაუტაძე გავიდა, ხოლო მესამეზე – ვალენსიის მეკარე გიორგი მამარდაშვილი.

გაზეთ „სარბიელის“ გამოკითხვა პირველად 1992-93 წლების საფეხბურთო სეზონების შემდეგ ჩატარდა და პირველი გამარჯვებული გიორგი ქინქლაძე გახდა.

რეკორდსმენია კახა კალაძე, რომელიც საქართველოს საუკეთესო ფეხბურთელად ოთხჯერ დაასახელეს, ხოლო შოთა არველაძე პრესტიჟული პრიზის მფლობელი სამჯერ გახდა.