გერმანიაში გასამართ ევროპის ჩემპიონატზე უეფამ საორიზო ფონდი გამოყო და ის 371 მილიონ ევროს შეადგენს.
ტურნირზე მოხვედრა უკვე გარანტირებულად 9.25 მილიონის გამომუშავებას ნიშნავს, რისთვისაც საქართველოს ნაკრებს პლეი-ოფში ჯერ ლუქსემბურგის, შემდეგ კი ფინალში ხაზახეთის ან საბერძნეთის დამარცხება მოუწევს.
დეტალურად საპრიზო ფონდის განაწილება:
სასტარტო თანხა ტურნირის 24-ივე მონაწილისთვის - 9,25 მლნ ევრო.
ჯგუფურ ეტაპზე გამარჯვებისთვის - 1.5 მლნ ევრო, ფრისთვის - 750 000 ევრო.
1/8-ფინალში გასვლისთვის - 2 მლნ ევრო.
1/4-ფინალში გასვლისთვის - 3,25 მლნ ევრო.
1/2-ფინალში გასვლისთვის - 5 მლნ ევრო.
ფინალში გასვლისთვის - 7 მლნ ევრო.
ევრო 2024-ზე გამარჯვებისთვის - 10 მლნ ევრო.
შეგახსენებთ, რომ მომდევნო ევროპის ჩემპიონატი გერმანიაში, 2024 წლის ზაფხულში გაიმართება და ამ ტურნირზე მოხვედრის შანსს საქართველოს ნაკრები ისევ ინარჩუნებს.