ბოლო დროს ხვიჩა კვარაცხელიას "პსჟ"-ს ძალიან ხშიტად უკავშირებენ. მაგალითად, "dello Sport Corriere" წერს სტატიას, სადაც ახსენებს, თუ რატომ სურთ პარიზელებს ქართველი ფეხბურთელი.

"მბაპეს წასვლის დადასტურების შემდეგ პარიზელებს 7 ნომერი ვაკანტური აქვთ და ეს კვარაცხელიას საყვარელი ციფრია. პარიზელები არ ეძებენ მესისა და ნეიმარის კალიბრის ფეხბურთელს, არამედ მას, ვისაც შეჯდარებით ნაკლებად დიდებული იმიჯი აქვს, ასეთი კი ხვიჩაა, რომელიც ლუის ენრიკეს ფეხბურთს კარგად მოერგება.

"ფრანგებმა იციან, რომ ხვიჩას "ნაპოლისთვის" წართმევა მარტივი არ იქნება. მიუხედავად იმისა, რომ კვარას აგენტი პარიზელებს უკვე შეხვდა, კლუბს ოფიციალური წინადადება ჯერ არ გაუკეთებია, თუმცა ისინი უფრო იმას ელოდებიან, რომ "ნაპოლიმ" საბოლოოდ დაადასტუროს ქართველთან კონტრაქტის არ გახანგრძლივების შესახებ.

"ხვიჩას ფასი ამჟამად 100 მლნ ევროზე მაღლა მერყეობს, რადგან მის კონტრაქტში გამოსასყიდი თანხა არ არის მითითებული. ამრიგად, ფრანგებს ქართველის გაფორმება დაახლოებით 130 მლნ ევრომდე დაუჯდებათ, რისი გადახდაც არ გაუჭირდებათ, იქიდან გამომდინარეც, რომ მბაპე აღარ ეყოლებათ სარჩენი", - ვკითხულობთ სტატიაში.

12-05-2024, 19:29

მეტი