"ინტერ მაიამიში" კატალონიის "ბარსელონას" რამდენიმე ფეხბურთელი კარიერის ბოლო წლებს ატარებს. შესაძლოა, მათ რიგებს ლუის სუარესიც შეუერთდეს.
ამჟამად ურუგვაელი ფორვარდი "გრემიოს" ღირსებას იცავს, თუმცა სავარაუდოა, რომ მომდევნო წელს MLS-ში დაიწყებს.
El Pais იტყობინება, რომ სუარესს უშუალო კომუნიკაცია ჰქონდა ამერიკულ გუნდთან, რომელიც პოზიტიურად წარიმართა. სავარაუდოდ, ურუგვაელი დევიდ ბექჰემის გუნდთან 1-წლიან კონტრაქტს გააფორმებს, ხოლო ხელშეკრულების პირობებში მისი გახანგრძლივების საშუალებაც იქნება.
სუარესი მაიამიში დეკემბერში ჩაფრინდება და კონტრაქტს თავისუფალი აგენტის სტატუსით მოაწერს ხელს.