იოსიპ სუტალოს ვარიანტი - ნაპოლი დინამო ზაგრებს დაუკავშირდა

31-07-2023, 14:44

Aa Aa

გაზიარება:

როგორც იცით, აურელიო დე ლაურენტისი ცენტრალური მცველის ძიებაშია, რადგან წინა სეზონის ერთ-ერთმა ლიდერმა, კიმ მინ-ჯემ კლუბი დატოვა და მიუნხენის ბაიერნში გადაბარგდა.

აქამდე ვულვერჰემპტონის მაქს კილმანის, ლანსის კევინ დანსოსა და რეალ სოსიედადის რობინ ლე ნორმანის ვარიანტებზე იწერებოდა, ახლა კი სიაში ახალი ფეხბურთელის სახელს ვხვდებით, - ეს იოსიპ სუტალოა.

23 წლის ხორვატი ფეხბურთელი სამშობლოში, კერძოდ ზაგრების დინამოში თამაშობს და მის მიღმა ჯერ არ უთამაშია, თუმცა უნდა ითქვას, რომ სუტალოს მსოფლიოს ჩემპიონატზე აქვს გამოცდილება მიღებული.

Transfermartk-ზე განთავსებული ინფორმაციის მიხედვით, სუტალო 18 მილიონი ევრო ღირს, მის ყიდვაში კი ნაპოლის ფიორენტინა ეცილება, რის შესახებაც Spazionapoli-მ დაწერა.