შემოგვიერთდით

ჩუამენი : 'მესის წინააღმდეგ ვთამაშობთ, ამიტომ ყველა ჩვენი თვისება უნდა გამოვავლინოთ'

17-12-2022, 13:35

Aa Aa

გაზიარება:

მსოფლიო ჩემპიონტის კულმინაციურ მატჩამდე ერთი დღით ადრე, საფრანგეთის ნაკრების ნახევარმცველმა, ორელიენ ჩუამენმა მედიის კითხვებს უპასუხა, სადაც მესისა და მბაპეს დაპირისპირების თემაზეც ისაუბრა.

მესის წინააღმდეგ თამაში : "ეს მსოფლიო ჩემპიონატის, ეს ლეო მესია, ამიტომ ჩვენ კარგად უნდა დავიცვათ თავი და ყველა ჩვენი თვისება უნდა გამოვავლინოთ. ეს მსოფლიო ჩემპიონატის ფინალია, აქ არის მესი, რომელიც ძალიან მაგარ ფორმაშია, თუმცა ლეოს გარდა არის ფეხბურთელები, რომელთაც წინააღმდეგობის გაწევა შეუძლიათ. მაქსიმალურად მომზადებული უნდა შევცვდეთ ამ ფინალს, რათა ახალი ისტორიის წერა დავიწყოთ."

ჩუამენი მესის ამჯერად სანაკრებო დონეზე დაუპირისპირდება

მბაპეს კრიტიკა : "მბაპეს ორი თამაშია არ გაუტანია? გოლს თუ ვერ იტან ცუდი ხარ, თუმცა მბაპეს შემთხვევაში ყველაფერი სხვანაირადაა. ის ბრწყინვალე ფეხბურთელია და ყველაფერში გვეხმარება. ის ნაკრების ერთ-ერთი ლიდერია."

შეგახსენებთ, რომ მსოფლიო ჩემპიონატის ფინალი, საფრანგეთსა და არგენტისას შორის, ხვალ, თბილისის დროით 19:00 საათზე დაიწყება.