"კონტრაქტის ამოწურვის შემდეგ ამას ვაპირებ" - გვარდიოლა გეგმებს აანონსებს

გუარდიოლა "სიტისთან" გამომშვიდობებაზე ალაპარაკდა: "კონტრაქტის დასრულების შემდეგ წავალ და შესვენებას ავიღებ"

ინგლისური გრანდის, "მანჩესტერ სიტის“ მთავარი მწვრთნელი, ხოსეპ გუარდიოლა, თანდათანობით ამთავრებს ეპოქას, რომელიც მან კლუბში შექმნა. ესპანელმა სპეციალისტმა, რომელმაც "სიტის“ რიგებში უკვე ცხრა სეზონი გაატარა, საზოგადოებას თავისი სამომავლო გეგმები გაუზიარა.

გუარდიოლამ დაადასტურა, რომ "სიტისთან“ არსებული კონტრაქტი, რომელიც 2027 წლის ზაფხულამდე გაგრძელდება, მისი ბოლო იქნება კლუბში. მიუხედავად იმისა, რომ ის ნოემბერში კლუბთან ახალი შეთანხმებით კიდევ ორი წლით დარჩა „ეტიჰადზე“, უკვე ფიქრობს ახალი ფურცლის გადაშლაზე.

"ვიცი, რომ დრო მოდის. მინდა, რომ ადამიანებმა ისე დამიმახსოვრონ, როგორც მათ სურთ — მათთვის სასურველ გუარდიოლად. როცა კონტრაქტი ამოიწურება, კლუბს დავტოვებ. ეს გადაწყვეტილება უკვე მიღებულია. ჯერჯერობით არ ვიცი, მთლიანად დავასრულებ თუ არა სამწვრთნელო კარიერას, მაგრამ ერთი რამ ცხადია — შესვენებას ნამდვილად ავიღებ", — განაცხადა გუარდიოლამ.

მანჩესტერელთა თავკაცის სიტყვები მიუთითებს იმაზე, რომ მისი მოღვაწეობა „სიტიში“ თანდათან ფინალურ ფაზაში შედის. ამ პერიოდში გუარდიოლამ კლუბთან ერთად არაერთი ტიტული მოიგო, მათ შორის ინგლისის ჩემპიონობა, თასები და 2023 წელს მოახლოვებული ჩემპიონთა ლიგის ისტორიული გამარჯვებაც. მის გარეშე „სიტის“ მომავალი ეტაპი სრულიად ახალ მიმართულებას მიიღებს.