სერია B-ს 30-ე ტურში "ფროზინონემ" თავის საშინაო მოედანზე "ბრეშას" 2:1 სძლია.
მასპინძელთა ფორვარდმა, გიორგი კვერნაძემ, მატჩში ანგარიში მე-16 წუთზე შესანიშნავი გოლით გახსნა. კვერნაძე 67-ე წუთზე გამოიცვალა, ხოლო მისი თამაში flashscore-მ 7.5 ქულით, Sofascore-მ კი 7.2 ქულით შეაფასა. მიმდინარე ტურნირზე ქართველმა ფეხბურთელმა 25 მატჩში 3 გოლი გაიტანა.
"ფროზინონემ" მიჯრით მესამე გამარჯვება ჩაიწერა და ბოლო ექვსი თამაშია არ დამარცხებულა.
ამჟამად, ფროზინოელები 33 ქულით მე-12 პოზიციაზე იმყოფებიან და 29 მარტს "სამპდორიას" სტუმრად ეწვევა.