შემოგვიერთდით

"ჩვენი ქვეყნისთვის ყველაფერს გავიღებთ.." - ნაკრების კაპიტანი გამარჯვების რწმენით აღსავსეა

6-11-2024, 03:39

Aa Aa

გაზიარება:

საქართველოს ფუტსალის ეროვნული ნაკრები ლატვიასთან ამხანაგური მატჩებისთვის ემზადება.

ავთანდილ ასათიანის გუნდი ევრო 2026-ის თანამასპინძელ ნაკრებთან ამხანაგურ მატჩებს 6 და 7 ნოემბერს გამართავს. მატჩისწინა ვარჯიში საქართველოს ნაკრებმა 5 ნოემბერს, თამაშების მასპინძელ თბილისის ოლიმპიურ სასახლეში გამართა.

მოახლოებული მატჩების შესახებ შესახებ ჩვენი გუნდის კაპიტანმა, ირაკლი თოდუამ ისაუბრა და ხაზი გაუსვა ევროპის ჩემპიონატის საკვალიფიკაციო ეტაპის დაწყებამდე დასკვნითი ამხანაგური მატჩების მნიშვნელობას.

"ლატვიასთან თამაშებისთვის მზად ვართ. ვეცდებით, მაქსიმალურად გამოვიყენოთ ეს მატჩები კოსოვოსთან და საფრანგეთთან თამაშებისთვის მოსამზადებლად. ნაკრების ფორმით თამაში უდიდესი პატივი და სიხარულია. ნაკრების კაპიტნის რანგშიც, როგორც ყოველთვის, მაქსიმუმს გავაკეთებ მეც და გუნდის თითოეული წევრი ჩვენი ქვეყნისთვის ყველაფერს გავიღებთ"

- თქვა თოდუამ.

nakrebi.ge