შემოგვიერთდით

წინ შვედეთი და ჩრდ. მაკედონიაა - რამაზ სვანაძის გუნდი მომდევნო მატჩებისთვის ემზადება

9-10-2024, 17:22

Aa Aa

გაზიარება:

საქართველოს ახალგაზრდულმა ნაკრებმა ოქტომბერში გასამართი მატჩებისთვის, შვედეთისა და ჩრდ. მაკედონიის წინააღმდეგ მზადებას აგრძელებს

"საქართველოს 21-წლამდე ნაკრები, შემოდგომის სანაკრებო ციკლს, 10 ოქტომბერს, შვედეთის ახალგაზრდული გუნდის წინააღმდეგ გასამართი მატჩით განაახლებს. ევროპის ჩემპიონატის საკვალიფიკაციო რაუნდის ჯგუფური ეტაპის შეხვედრას, იენჩეპინგის სტადსპარკსვალენი უმასპინძლებს.

დღეს, 21-წლამდე ნაკრებმა, იენჩეპინგში შვედეთთან მატჩისთვის მზადება დაიწყო და პირველი ვარჯიში გამართა. ვარჯიშამდე, მოახელოებული მატჩის შესახებ გიორგი მაისურაძემ და ახალგაზრდული ნაკრების დებიუტანტმა დავით გოცირიძემ ისაუბრეს

შვედეთის შემდეგ, რამაზ სვანაძის გუნდი სამშობლოში დაბრუნდება, სადაც 2025 წლის ევროპის ჩემპიონატის შესარჩევი ციკლის მატჩს, ქუთაისში, ჩრდილოეთ მაკედონიის ნაკრების წინააღმდეგ გამართავს. ორივე შეხვედრის პირდაპირი რეპორტაჟს საქართველოს პირველი არხი შემოგთავაზებთ."

- ვკითხულობთ nakrebi.ge-ზე.