ფრანგმა ჟურნალისტმა და კომენტატორმა ვალიდ არჩეჩოურმა გიორგი მიქაუტაძის ლიონში ტრანსფერზე ისაუბრა.
"დროის გასვლასთან და პარალელურად იმ ლაპარაკთან ერთად, რაც ბოლო პერიოდში მიქაუტაძეზე მესმის, კიდევ უფრო და უფრო მეტად ვხვდები, რომ მისი ლიონიში ტრანსფერი არასწორი გადაწყვეტილება იყო.
ვსაუბრობ როგორც სპორტულ, ასევე არასპორტულ ასპექტებზეც. დეტალებში შესვლას არ ვაპირებ, მაგრამ მგონია, რომ ლიონში დაბრუნება მისთვის საუკეთესო გადაწყვეტილება არ ყოფილა", - განაცხადა არჩეჩოურმა.
ცნობისთვის, მიქაუტაძემ ლიონში ტრანსფერის შემდეგ 5 მატჩში მიიღო მონაწილეობა, მოედანზე ჯამში 270 წუთი გაატარა და ჯერჯერობით საგოლე მოქმედებაში მონაწილეობა არ მიუღია.