ბოლო პერიოდში, საკმაოდ ბევრი იწერება იმის შესახებ, რომ ქართველი ტალანტით თითქმის ყველა გრანდია დაინტერესებული და მათ შორის, ერთ-ერთი "ჩემპიონთა ლიგის" ტიტულების მთავარი კოლექციონერი მადრიდის "რეალია", რომელსაც ხვიჩა კვარაცხელიას გადაბირება ტრავმებისგან დატანჯული ედენ აზარის ჩასანაცვლებლად სურს.
სწორედ ამავე აზრს ავითარებს ჟურნალისტი ერქემ კონური, რომელიც წერს, რომ დიდი შანსია ედენ აზარი ზაფხულში მადრიდიდან წავიდეს, კლუბს კი მისი შემცვლელის ძიება მოუწევს. ისიც ფაქტია, რომ თუ მადრიდის "რეალი" კვარაცხელიათი სერიოზულად დაინტერესდა, მაშინ პერესს სოლიდური თანხის გაღება ყველა ვარიანტში მოუწევს.
შეგახსენებთ იმასაც, რომ კვარაცხელიას "რეალის" გარდა, "მანჩესტერ სიტის", "ლივერუპულს", "ტოტენჰემსა" და ლონდონის "ჩელსისაც" უკავშირებდნენ.