ბუდუ ზივზივაძის "კარლსრუემ" გერმანიის მეორე ბუნდესლიგის მორიგი ტურის შეხვედრაში "დარმშტადტს" უმასპინძლა და ფრედ, 3:3 ითამაშა.
საქართველოს ნაკრების თავდამსხმელი მასპინძელთა სასტარტო თერთმეტეულში გახლდათ და მთავარმა მწვრთნელმა იგი 79-ე წუთზე შეცვალა.
სტატისტიკურმა ვებსაიტმა Sofascore, ბუდუს ასპარეზობა მატჩში 10-ბალიანი სისტემით 7,2 ქულით შეაფასა.
ჩემპიონატში ჩატარებული რვა ტურის შემდეგ "კარლსრუემ" 16 ქულა დააგროვა და სატურნირო ცხრილში მესამე პოზიციას იკავებს.