ხუთსეტიან მძიმე ბრძოლაში - ბასილაშვილი როლან გაროსისთვის ბრძოლას გამოეთიშა

28-05-2025, 02:57

Aa Aa

გაზიარება:

საფრანგეთის ღია პირველობის, (Roland Garros), 1/64-ფინალში, ნიკოლოზ ბასილაშვილი ხუთსეტიან ბრძოლაში პორტუგალიელ ენრიკე როშასთან დამარცხდა – 6:7, 6:2, 6:7, 6:2, 2:6.

მატჩი თითქმის 4 საათი გაგრძელდა და ძალიან დაძაბული გამოდგა. მიუხედავად მძლავრი დაბრუნებისა მეოთხე სეტში, გადამწყვეტ მეხუთე სეტში როშა უფრო მტკიცე აღმოჩნდა.

ეს ბასილაშვილისთვის მეორე გრანდ სლემია წელს — მან იანვარშიც იასპარეზა ავსტრალიის ღია პირველობაზე, სადაც ასევე პირველივე რაუნდში დამარცხდა.

როლან გაროსის მოქმედი ჩემპიონი ესპანელი კარლოს ალკარასია, რომელმაც შარშან ფინალში ალექსანდრ ზვერევი დაამარცხა.

ბასილაშვილისთვის სეზონი რთულად მიმდინარეობს, თუმცა მისი გამოცდილება და მუხტი კვლავაც მას აძლევს შანსს, რომ ფორმაში დაბრუნდეს და მსოფლიო ტურის ზედა "ეშელონში" დაბრუნებაზე იფიქროს.