ფრანგი მეტოქე დაამარცხა! - ნიკოლოზ ბასილაშვილი როლან გაროსის ძირითად ბადეშია

ნიკოლოზ ბასილაშვილი როლან გაროსის ძირითად ბადეშია!

ქართველმა ჩოგბურთელმა ფრანგი მეტოქის დამარცხებით დიდი სლემის მთავარ ეტაპზე თამაშის უფლება მოიპოვა

ნიკოლოზ ბასილაშვილმა წარმატებით გაიარა საფრანგეთის ღია პირველობის (როლან გაროსი) საკვალიფიკაციო ეტაპი — სამივე მატჩი მოიგო და ტურნირის ძირითად ბადეში გავიდა.

საკვალიფიკაციო ეტაპის შედეგები:

I ეტაპი – გის ბრაუერი (ნიდერლანდები)

II ეტაპი – ვალენტინ ვაჩერო (მონაკო)

III ეტაპი (ფინალი) – ჯოფრი ბლენკანო (საფრანგეთი) – 6:2, 6:4

ფინალური შეხვედრა გაიმართა როლან გაროსის მეორე კორტზე, სავსე ტრიბუნების ფონზე. მიუხედავად იმისა, რომ ბასილაშვილს ადგილობრივი ფავორიტი ჰყავდა მოწინააღმდეგედ, მან დამაჯერებელი გამარჯვება მოიპოვა და კიდევ ერთხელ აჩვენა მაღალი ფსიქოლოგიური გამძლეობა.

ამჟამად ნიკოლოზ ბასილაშვილი ATP რეიტინგში 132-ე ადგილს იკავებს.

ქართველი წელს უკვე მეორე დიდი სლემის ტურნირზე ითამაშებს — ავსტრალიის ღია პირველობის შემდეგ, ახლა უკვე პარიზშიც ეცდება წარმატებული გამოსვლის გაგრძელებას.

მისი მეტოქე ძირითად ბადეში ჯერჯერობით უცნობია, თუმცა "ბასილა" აღსანიშნავ ფორმაშია და დიდი მოლოდინები აქვს.