ესპანეთის დედაქალაქ მადრიდში UFC-ის ქართველი ჩემპიონის, ილია თოფურიას ფილმის პრეზენტაცია გაიმართა, რომელშიც ილიას საჩემპიონო გზაა მოთხრობილი.
ფილმის პრეზენტაციის შემდეგ, ილიამ არაერთ საინტერესო თემაზე ისაუბრა, მათ შორის ლეგენდარულ კონორ მაკგრეგორზეც, რომლეთანაც ბრძოლის ინტერესი რამდენიმე თვის წინ გამოთქვა.
"კონორთან ჩხუბზე აღარ ვფიქრობ - ის უკვე დამარცხებული და ძალიან დასუსტებულია. აღარ აქვს ისეთი თავდაჯერებულობა, როგორიც ადრე ჰქონდა. რა თქმა უნდა ყველაფერს თავისი შრომით მიაღწია და ამას არ ვუკარგავ, არასდროს ზოგავდა თავს, მაგრამ დღეს იმავეს აღარ აკეთებს.
ვფიქრობ კონორი საკუთარ თავს აღარ ენდობა და ნებისმიერ საბაბს იყენებს იმისათვის, რომ ოქტაგონზე არ მოხვდეს", - განაცხადა ილიამ.