როგორც იცით, საქართველოს ეროვნული ნაკრების ფრანგმა სპეციალისტმა, ვილი სანიოლმა მარტის მატჩებისთვის 17 წლის გაბრიელ სიგუა გამოიძახა.
ახალგაზრდა ნახევარმცველი დინამო თბილისში თამაშობს, მას ამ სეზონში 5 მატჩი აქვს გამართული, რა დროშიც სიგუამ 3 გოლი მიითვალა.
ცხადია, 17 წლის ასაკში ეროვნულ გუნდში სადებიუტო გამოძახება უდიდესი მიღწევაა, თუმცა ნაკრებს გაბრიელზე უმცროსი დებიუტანტებიც ჰყოლია, ესენი ჯანო ანანიძე და ლევან ყენია არიან.
აღსანიშნავია, რომ ნაკრებში პირველად გამოძახებისას ორივე მათგანი სულ რაღაც 16 წლის იყო..