ოქროს ჭადრაკი - ნონა გაფრინდაშვილი მესის კოპა ამერიკის მოგებას საჩუქრით ულოცავს (ფოტო) » SPORTLINE.GE - სპორტის ხაზი

ოქროს ჭადრაკი - ნონა გაფრინდაშვილი მესის კოპა ამერიკის მოგებას საჩუქრით ულოცავს (ფოტო)

ოქროს ჭადრაკი - ნონა გაფრინდაშვილი მესის კოპა ამერიკის მოგებას საჩუქრით ულოცავს (ფოტო)
20-07-2021, 22:58
Aa Aa
გაზიარება:

ლეგენდარულმა ქართველმა მოჭადრაკემ, ნონა გაფრინდაშვილმა, ლიონელ მესის საჩუქარი გაუგზავნა.

მსოფლიოს ხუთგზის ჩემპიონმა, სპეციალურად მესისთვის ჭადრაკის დაფა მოოქროვილი ფიგურებით დაამზადებინა, რომლითაც არგენტინელ სუპერვარსკვლავს პირველ სანაკრებო ტიტულს - კოპა ამერიკის თასს მიულოცავს.

საჩუქარი გაფრინდაშვილმა ვერის ბაღში, ჭადრაკის საერთაშორისო დღისადმი მიძღვნილ ღონისძიებაზე წარადგინა.

'რაც მესისგან საჩუქრად მაისური მივიღე, იმის შემდეგ ვფიქრობდი, საპასუხოდ რა საჩუქარი შემერჩია. მჯეროდა, რომ „კოპა ამერიკას“ მოიგებდა და მინდოდა გამარჯვება განსაკუთრებულად მიმელოცა.
ეს იქნება არა ჩემი, არამედ საქართველოს სახელით გაგზავნილი საჩუქარი, სადაც 2015 წელს ევროპის სუპერთასზე ითამაშა. ვფიქრობ, ეს საჩუქარი მას მთელი ცხოვრება დაამახსოვრდება
', - განაცხადა ნონა გაფრინდაშვილმა.

შეგახსენებთ, ლიონელ მესიმ ლეგენდარულ ქართველ მოჭადრაკეს, 80 წლის იუბილეზე, საკუთარი ხელმოწერილი ბარსელონას მაისური გამოუგზავნა.

კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი