30 ოქტომბერს პარიზში გასამართი ოქროს ბურთის ცერემონიის გამარჯვებული ცნობილია.
როგორც ფაბრიციო რომანო იტყობინება, წლის ყველაზე პრესტიჟულ ინდივიდუალურ ჯილდოს მოქმედი მსოფლიო ჩემპიონი, ლეო მესი მოიგებს.
ეს არგენტინელი სუპერვარსკვლავისთვის მე-8 ოქროს ბურთი იქნება, რითიც თავისივე რეკორდს გააუმჯობესებს.
მესის მთავარ კონკურენტად ერლინგ ჰოლანდი მიიჩნევა, რომელმაც 3 ტიტული მოიგო და 50-ზე მეტი გოლიც გაიტანა, თუმცა, როგორც ჩანს, მუნდიალი მთავარი ფაქტორი აღმოჩნდა ხმის მიმცემებისთვის.