საბა ლობჟანიძე ოკეანის გადაღმა ბრწყინვალე პერფორმანსებს განაგრძობს - ამჯერად, ქართველმა ფეხბურთელმა "ცინცინატის" წინააღმდეგ ასისტის შესრულება შეძლო.
ლობჟანიძის "ატლანტა იუნაიტედი" "ცინცინატს" უხვგოლიან შეხვედრაში დაუზავდა (2:2), მასპინძლების მხრიდან კი ერთ-ერთი გამორჩეული სწორედ ლობჟანიძე იყო.
ლობჟანიძემ მოედანზე 63 წუთი გაატარა - ამ დროის განმავლობაში ასისტის გარდა კიდევ რამდენიმე მომენტში გამოირჩა, თუმცა რიგ შემთხვევებში მეტოქე გუნდის მეკარემ აჯობა. რაც შეეხება შეფასებას, "ატლანტას" მხრიდან შეფასებით მას მხოლოდ ერთმა მოთამაშემ აჯობა - 7.6.
საბას გუნდმა რეგულარული სეზონი მე-6 ადგილზე დაასრულა და პლეი-ოფის საგზური მოიპოვა.