ევროლიგის მესამე ტურში ვირტუს ბოლონიამ ბერლინის ალბას უმასპინძლა და 87-76 დაამარცხა, ამ შეხვედრაში ქართველი მსუბუქი ფორვარდი, რა თქმა უნდა, სასტარტო ხუთეულში იყო და პარკეტზე 27 წუთი გაატარა.
თორნიკე შენგელია მთელი მატჩი შეუჩერებელი იყო, ქართველმა 26 ქულას 4 მოხსნასა და 3 შედეგიან გადაცემას მოუყარა თავი რითაც მატჩის MVP გახდა.
სამი ტურის შემდეგ ბოლონიელებსს ორი მოგება და ერთი მარცხი აქვთ. 20 ოქტომბერს თორნიკეს გუნდი "ცრვენა ზვეზდას" მიიღებს საკუთარ კედლებში. ევროლიგაზე საუკეთესო მაჩვენებელი, ანუ 3-3 მოგება რეალს, ბარსელონას და ვალენსიას აქვთ.