საფრანგეთის შინაგან საქმეთა სამინისტრო კარიმ ბენზემას სერიოზულ ბრალდებას უყენებს - შინაგან საქმეთა მინისტრი მადრიდის "რეალის" ლეგენდას მუსლიმურ ტერორისტულ დაჯგუფება "მუსლიმ ძმებთან" კავშირში ადანაშაულებს.
"მას აქვს კავშირი მუსლიმურ ტერორისტულ ორგანიზაცია "მუსლიმ ძმებთან", - განაცხადა ჟერალდ დარმანინმა CNews-თან საუბრისას, მას შემდეგ, რაც კარიმმა ტვიტერზე პალესტინის მხარდამჭერი პოსტი დაწერა.
"ღაზას მცხოვრებლები კიდევ ერთხელ გახდნენ უსამართლო დაბომბვის მსხვერპლნი", - სწორედ ეს პოსტი გახდა ბენზემას მიმართ ბრალდების საფუძველი.
ჯერჯერობით, კარიმს შინაგან საქმეთა მინისტრის ბრალდებაზე კომენტარი არ გაუკეთებია. აღსანიშნავია, რომ ეს ბენზემასთვის საფრანგეთთან დაკავშირებული პირველი გაუგებრობა არაა.